Di Mesi Ak Plim ak Papye

Sa gen kèk semèn depi mwen te li yon atik ke Peter Gasca ekri, sou fason anpil moun bay remèsiman jounen jodi. Si sa posib pou ou, li atik orijinal la ki ekri an Anglè ou byen tradui li sou Google.

Mwen dakò ak Mr. Gasca sou fason li apwoche sijè sa-a. Jodia, teknoloji tèlman avanse, li rive afekte fason nou kominike youn ak lòt. Sa pa vle di teknoloji pa bon non. Toutfwa, se fason kèk fwa nou kite li pote nou ale, jouskaske li fè nou bliye kek prensip bon lizay nou te aprann avan teknoloji te antre byen fon nan lavi nou konsa.

Kit se nan travay, nan lekol, nan Legliz, nan kominote, elatriye... eske nou panse sa pase mòd pou nou pran plim ak papye (oubyen kat remèsiman), pou di yon moun mèsi pou bagay yo fè pou nou?

Nan ki fason ou prefere bay remèsiman?

Nan ki fason ou prefere jwenn remèsiman?

Bay repons ou, epi pataje atik sa-a.


Avan mwen bliye, m' tou pwofite di ou mèsi pou tèt ou li epi pataje atik sa-a. :)

Jere Moun Ki Difisil Nan Travay Ou

Nan chak travay ou ye, w'ap gen pou ou kontre ak omwens yon kòlèg ki difisil oswa degoutan. Fè fas ak kòlèg, patwon, kliyan, oswa zanmi ki difisil se tankou yon travay atis. Fè fas ak sitiyasyon difisil nan travay se yon kokenn chenn defi, men li vini ak rekonpans anpil fwa. Ou ka ogmante konpetans ou nan fè fas ak moun yo difisil ki antoure ou nan mond travay ou. Si ou twouve w' nan on sitiyasyon konsa, gen anpil konsèy sou dosye sa-a ki kapab ede ou.

Moun ki difisil egziste nan nenpòt domèn travay ou ta ka ye. Moun ki difisil vini sou tout fòm epi nan kelkeswa job ou genyen ak kelkeswa kote w'ap travay. Anpil fwa, fason ou jere moun difisil sa yo depann anpil de ou menm. Solisyon an pase pa nivo ou fè tèt ou konfyans, epi nivo kouraj pwofesyonèl ou.


Anpil moun ki reflechi e bay opinyon yo sou dosye sa-a pwopoze anpil teknik ak solisyon. Youn nan solisyon ke Susan M. Heathfield pwopoze se: "Monte nan yon nivo ki pi wo ke pwoblèm nan."

Pou jodia, mwen te vle ou reflechi sou koze sa-a. Eske ou ta vle pataje ak zanmi sou nèt la, ki teknik ou genyen pou ou jere moun ki difisil nan on travay oubyen nan lavi an jeneral?

Favorite Haitian dishes - Plats haitiens préférés

What are your favorite Haitian dishes? That can include appetizers, desserts, and even drinks or others.

Quelles sont vos plats haïtiens préférés ? Cela peut inclure des apéritifs, des desserts, et même des boissons ou autres.